In 2018, tydens debat uitdunne, in die regsgebou

het Rohann vir Brigitte die eerste keer aanskou

sy was besig om 'n ander spreker uit te jou

en Rohann het geweet hierdie is sy vrou

​

Daarna loop Rohann met sy hart op sy mou

maar aan hul vriendskap is Brigitte gans te getrou

daar was afsprake - op pieknieks en in teaters aan roomys en springmielies gekou

maar Brigitte het steeds haar kop in die sand gehou

​

Hul vriendskap het bly groei, maar Rohann se hoop was flou

'n jaar was reeds verby en hy't besef die tyd was nou

hy vra toe na die debatsfinaal vir Brigitte of sy hom sou

vergesel na: 'n koffie, 'n dinee en die Oos-Kaap waar sy broer trou

​

Brigitte wou

sy het self teen die tyd besef daar is net een ou

wat homself so diep in haar hart in kon grou

en wie sy met haar toekoms wou vertrou

​

Die res is geskiedenis, tot en met nou

waar Brigitte en Rohann 'n nuwe hoofstuk oopvou

en vir mekaar belowe, soos The National in 'Slow Show':

"Ek wil huis toe haas na jou"

​

En so, liewe gas, nooi ons jou

om saam met ons partytjie te hou

en 'n glasie te klink langs die see se blou

vir die lewe vol liefde wat ons saam sal bou

​